Ayın sonuna qədər hər şey yaxşı olacaq. Bakıdakı astroloqlara zəng vurdum. Dedilər ki, mayın 15-dək hər şey qaydasına düşəcək. İnanıram ki, hər şey yaxşı olacaq. Astroloqlarla tez-tez əlaqə saxlayan biri deyiləm. Arada Okan və şəxsi həyatım barədə məsləhətləşirəm.

Axar.az Publika.az-a istinadən xəbər verir ki, bu sözləri türkiyəli müğənni Demet Akalın “Survivor Ponorama” verilişinin aparıcısı Hakan Hatipoğlunun İnstaqram səhifəsində canlı yayıma qoşularkən deyib. Koronavirus pandemiyasından söhbət edən ulduz Azərbaycanda yaşayan astroloqlarla əlaqə saxladığını etiraf edib.

Müğənni canlı yayımda “Kobra” ləqəbi ilə tanınan idmançı Pərviz Abdullayevi də dəstəklədiyini və onu instaqramda izlədiyini qeyd edib.