Türkiyəli məşhur müğənni Yıldız Tilbənin Aya Sofya ilə bağlı sosial şəbəkədə paylaşımı izləyicilərin böyük rəğbətinə səbəb olub.

Axar.az xəbər verir ki, sənətçi tarixi abidə ilə bağlı verilən son qərardan dolayı təşəkkürünü çatdırıb.

“Aya Sofya açıldı. Təşəkkür edirik. Fateh Sultan Məhmədin ruhu hüzur tapmışdır. Allahın sonsuz rəhməti bütün Osmanlı hökmdarlarının üzərinə olsun. Hamısına aşiqəm”, - deyə Tilbə bildirib.

Qeyd edək ki, bu gün Türkiyə Dövlət Şurası (Ali İnzibati Məhkəmə) İstanbuldakı Müqəddəs Sofya kilsəsinin (Aya Sofya) muzeyə çevrilməsi barədə 1934-cü il tarixli qərarı ləğv edib.

Ardınca Ərdoğan canlı yayımda çıxışında Aya Sofyada ilk namazın iyulun 24-də qılınacağını bildirib.