Ana səhifə Maqazin |
09:57
Mərkəzi Gömrük Xəstəxanasının reanimasiya şöbəsinə yerləşdirilmiş əməkdar artist Bəhram Bağırzadəni xəstələndikdən üzü bəri ilk dəfə sosial şəbəkədə paylaşım edib.
Axar.az Teleqraf.com-a istinadən xəbər verir ki, Bəhram Bağırzadə İnstaqramda bu sözləri yazıb:
"Hələ ki dayanmağı bacarıram. Hamınız çox sağ olun".
Xatırladaq ki, daha əvvəl koronavirus xəstəliyindən müalicə olunduğu xəstəxanadan iyunun 13-də Mərkəzi Gömrük Hospitalının Reanimasiya şöbəsinə köçürülən əməkdar artist Bəhram Bağırzadənin ağciyər toxumasının 90%-dən çox zədələndiyi məlum olmuşdu. Mərkəzi Gömrük Hospitalının cərrahları və reanimatoloqları təcili olaraq gecə konsilium keçirib və xəstənin ECMO cihazına qoşulmasına qərar vermişdi. Xəstənin ECMO cihazına qoşulması əməliyyatından sonra onun vəziyyəti nisbətən stabilləşmiş və saturasiya 95 faizə qədər yüksəlmişdi.
İyulun 2-də Bəhram Bağırzadə süni nəfəs aparatından ayrılıb.
B.Bağırzadənin müalicəsi birbaşa Azərbaycanın Birinci vitse-prezidenti Mehriban Əliyevanın nəzarətindədir.
Tarix
2020.07.18 / 11:10
|
Müəllif
Axar.az
|