"Mançester Yunayted" Futbol Klubunun əfsanəvi futbolçularından biri olan Ryan Qiqz bir müddət qardaşı arvadı ilə münasibət yaşadığına görə qardaşı Rhodri Qiqzdən üzr istəyib.

Axar.az xəbər verir ki, ingilis "Sun" qəzeti uzun illərdir danışmayan Qiqz qardaşlarının barışdığını iddia edib.

Qəzet skandal ortaya çıxandan 4 il sonra Ryan Qiqzin qardaşı Rhodriyə zəng vuraraq üzr istədiyini və beləliklə, sülh bağladıqlarını yazıb.

Qəzet "Forgive me" (Məni bağışla) sözünü Qiqz qardaşlarının soyadından istifadə edərək "ForGiggs me" başlığı ilə yayımlayıb.

Qeyd edək ki, 1990-2014-cu illər arasında "Mançester Yunayted"də forma geyib tarixi uğurlara imza atan Ryan Qiqzin qardaşı Rhodri Qiqzin həyat yoldaşı Nataşa ilə 8 il münasibətdə olduğu ortaya çıxanda İngiltərədə böyük səs-küy yaranmasına səbəb olmuşdu. Böyük qardaşına həddindən artıq hirsli olan Rhodri Qiqz İngilis mətbuatına verdiyi açıqlamada "Ryan Qiqz seks üçün ailəmi məhv etdi", - deyərək həyat yoldaşı Nataşa ilə də yollarını ayırmışdı.