Məşhur Amerika realiti-şou ulduzu, erməni mənşəli Kim Kardaşyan həyat yoldaşı Kanye Uestinin İrəvanda verdiyi konsertlə bağlı təəssüratlarını paylaşıb.

Axar.az xəbər verir ki, o bu barədə öz Feysbuk səhifəsində məlumat yayıb. Qondarma erməni soyqırımı üçün Ermənistana gələn Kardaşyan İrəvandakı sonuncu gecəni unudulmaz keçirdiyini bildirib:

"Möhtəşəm gecə idi. Kanye məni oyadaraq İrəvanda pulsuz konsert verəcəyini dedi. Mən də geyinib, onunla getdim. Oraya minlərlə adam toplaşmışdı. Kanye insanlara daha yaxın olmaq üçün Qu quşu gölünə tullandı. Bunu görən digər fanatlar da onun arxasınca gölə tullandılar. Mən çox narahat idim, lakin bu hadisə çox təsirliydi. İrəvanda olduğumuz sonuncu gecəmizdə belə əylənə bildiyimçün şadam".