Məşhur aktyor Ceki Çanın 15 yaşlı qızı Etta U Çjolin "Sunday Express"ə müsahibəsində valideynindən isti münasibət görmədiyini bildirib.

Axar.az xəbər verir ki, Etta atası haqqında deyib: "O mənim bioloji atamdır, vəssalam. O, mənim həyatımda olmayıb və olmayacaq. Ceki Çan mənim üçün sadəcə məşhur aktyordur".

Etta U Çjolinin anası ilə Ceki Çanın münasibəti 1998-ci ildə başlayıb. O zaman gənc Eleyn U Çili Honkoqda gözəllik müsabiqələrinin birində qalib olub. Nikahdankənar münasibətləri uzun çəkməsə də, Ceki Çanın övladı dünyaya gəlib, amma aktyor onu qəbul etməyib. Eleyn də Ceki Çanla münasibətini həyatının səhvi adlandırıb.

61 yaşlı Ceki Çan 1982-ci ildən evlidir. Onun oğlu – 32 yaşlı Ceysi Çan narkotikə görə 6 ay həbsdə yatıb.