ATV-də yayımlanan "Öz aramızda" verilişinin yayımı dayandırılıb.

Axşam.az-ın məlumatına görə, bu haqda aparıcı Zaur Baxşəliyev proqramın cümə günü efirə gedən son bölümündə deyib.

O, tamaşaçılarla və studiyadakı ekspertlərlə sağollaşıb. Proqramın sonunda aparıcının anası Dilavər xanım da canlı yayıma qonaq gəlib.

"Öz aramızda"nın prodüseri Faiq Ələkbərli əməkdaşımızla söhbətində verilişin yay tətilinə getdiyini və yeni mövsümdə yenidən efirə qayıdacağını bildirib.

Qeyd edək ki, Zaur və Günay Baxşəliyevalar cütlüyü hazırda Tiflisdə istirahətdədir.