Türkiyəli tanınmış müğənni və aparıcı Sərən Sərəngilin səhhətində arıqlamaq üçün keçirdiyi əməliyyatdan sonra ciddi problemlər yaranıb. Onun çəkisi 43,5 kiloqrama enib, boyu 4 santimetr qısalıb, qaraciyər, mədəaltı vəzi və böyrək xəstəliyindən əziyyət çəkir.

Axar.az xəbər verir ki, bu barədə müğənni öz İnstaqram səhifəsində paylaşım edib.

"Öd kisəm getdi, qaraciyər fermentlərim dəhşətli dərəcədə yüksəkdir. Məni venadaxili yedizdirirlər. Həkim deyir ki, əməliyyat olmasan, serroza çevriləcək. Əməliyyatı edən həkimi və xəstəxananı şikayət edəcəyəm", - müğənni bildirib.

Sərəngilin paylaşdığı fotolar fanatlarını məyus edib.