Tanınmış idman şərhçisi Qaya Çilingiroğlu şəxsi həyatından danışıb.

Axar.az xəbər verir ki, Q.Çilingiroğlu keçmiş həyat yoldaşı Hülya Avşarı əsəbləşdirəcək açıqlamalar verib.

Gözəl qadınları çox sevdiyini deyən Qaya həyatındakı xanımların övladları olduqdan sonra çox dəyişdiklərini və daha sevmədiyi insana çevrildiklərini bildirib:

"Son iki evliliyimdə uşaq olduqdan sonra hər iki həyat yoldaşım özünü buraxdı. Onlar ana olub ərlərini unutdular".

Qaya bir daha əsla evlənməyəcəyini bildirib: "Bir daha əsla evlənmərəm! Hələ Hülya ilə heç vaxt. Düzdür, qızımız var. Ancaq Hülya ilə 3 gün yan-yana dayana bilmərik".

Qeyd edək ki, Q.Çilingiroğlu H.Avşardan ayrıldıqdan sonra Fərayə Tanyolaçla evlənib, bu nikahdan bir oğlu dünyaya gəlib. Cütlük daha sonra boşanıb.