Rusiyada “Səs” şousunun azərbaycanlı iştirakçısı Emil Qədirov saxlanılıb.

Axar.az xəbər verir ki, bu barədə Rusiya İstintaq Komitəsi məlumat yayıb.

İstintaqın versiyasına görə, 31 yaşlı Qədirov “Eldar” kino-konsert zalının bədii rəhbərinin müavini işləyən Yelena Qurko ilə birgə "Puşkin Kartı" proqramına uyğun olaraq "saxta" konsertlər təşkil edib.

Dövlət büdcəsinə dəyən ümumi zərərin təxminən 1,3 milyon rubl olduğu bildirlib.

Faktla bağlı Rusiya İstintaq Komitəsinin Moskva şəhəri üzrə Baş İstintaq İdarəsində xüsusilə külli miqdarda dələduzluq maddəsi ilə cinayət işi açılıb.

Rusiya İstintaq Komitəsi həbsin əməliyyat videosunu yayıb.