Müasir cihazlara etibar etmir, köhnə hesab taxtası və tərəzidən istifadə edir.

Xəzər xəbər məlumat verir ki, Qazax rayonunun Xanlıqlar kənd sakini Musa Mamedov özünə məxsus mağazada köhnə vasitələrdən yararlanır. 40 ildir dükan işlədən Musa kişi deyir ki, hələ bir dəfə də olsun hesab taxtası onu aldatmayıb.

Onun sözlərinə görə, başqa hesablama qurğuları etibarsızdır, hər an enerjisi tükənə, yaxud da yerə düşüb sına bilər. Ancaq hesab taxtası 40 ildir onunla çiyin-çiyinə işləyir. Köhnə tərəzisi də bu vaxta kimi onu pıs vəziyyətdə qoymayıb.

Musa Mamedov bundan sonra da hesab taxtasından və köhnə tərəzidən istifadə edəcəyini deyir.