2016.12.10 - 23:54

Vladiqafqazda nəşr edilən "Şimali Osetiya" qəzetində "Vladiqafqaz Hərbi Dairəsi rəisinin nəticəsi" başlığı altında məqalə dərc edilib.

Axar.az xəbər verir ki, özünü tarixçi kimi qələmə verən Feliks Kireyev adlı şəxs məqaləsində əfsanəvi müğənni Müslüm Maqomayevin azərbaycanlı yox, erməni olduğunu iddia edib.

Məqalədə absurd iddialarla çıxış edən Kireyev M. Maqomayevin anasının "Ter Kazan" qoşunlarının polkovniki erməni əsilli Xanjalovun nəvəsi olduğunu, ata-babasının isə əslən Qroznıdan olduğunu iddia edib.

Qəribə məqam isə odur ki, bu saxta və yalançı, heç bir fakta söykənməyən uydurma məqalənin yayımlanmasından dərhal sonra Müslüm Maqomayevin Vikipediyadakı (rus dilində) tərcümeyi-halına "bu ehtimal" əlavə edilib (skrin əlavə edilir).

Lider TV-nin mövzu ilə bağlı reportajını təqdim edirik: