İraqın suverenliyinin Türkiyə tərəfindən pozulmasını BMT Təhlükəsizlik Şurasının 5 daimi üzvü və bəzi dost ölkələrlə müzakirə etdik.

Axar.az xəbər verir ki, bu sözlər İraq Xarici İşlər nazirliyinin sözçüsü Əhməd Camalın yaydığı yazılı bəyanatda yer alıb.

Bundan əlavə, İraqın Ərəb Dövlətləri Liqasına üzv ölkələrin xarici işlər nazirlərinə zəng edərək fövqəladə iclas tələb etdiyi bildirilib.

Qeyd edək ki, Türkiyə dekabrın 4-də İraqın Mosul şəhərinin Başika bölgəsinə qoşun göndərib. İraq rəhbərliyi Türkiyənin bu məsələ ilə bağlı rəsmi Bağdaddan icazə almadığını və hərbçilərin çıxarılmasını tələb edib.