Böyük Britaniyanın Londonda sığınacaq axtaranların yerləşdirildiyi otelin qarşısında əks mövqedə olan qruplar arasında qarşıdurma baş verib.

Axar.az xəbər verir ki, bu barədə “İndependent” məlumat yayıb.

Məlumata görə, İzlinqton bölgəsində yerləşən “Thistle City Barbican” otelinin qarşısında keçirilən etiraz aksiyasında bir neçə nəfər saxlanılıb. Etirazçılar otelin miqrantların müvəqqəti yerləşdirilməsi üçün istifadə olunmasına qarşı çıxıblar. Ərazidə, eyni zamanda, “Stand Up To Racism” təşkilatının çağırışı ilə irqçiliyə qarşı etiraz aksiyası keçirib.

İki qrup arasında qarşıdurma baş verib. Polis müdaxilə edərək narazı kütləni dağıdıb.