Finlandiya hazırkı mərhələdə ABŞ-dan Ukrayna üçün silah alınması prosesində iştirak etməyəcək.

Axar.az xəbər verir ki, bunu Finlandiyanın müdafiə naziri Antti Hyakkyanen bildirib.

O qeyd edib ki, Helsinki fərqli proqram çərçivəsində məhsulların alınmasına diqqət yetirib:

"Biz öz resurslarımızı daxili sənaye proqramına ayırmışıq və bu proqram çərçivəsində bütün Finlandiyada şirkətlərimizdən Ukrayna üçün məhsullar sifariş edirik”.

Onun sözlərinə görə, ölkə bu proqramı Ukrayna ilə birlikdə hazırlayıb ki, maksimum yardım göstərilsin. Finlandiya isə bu təşəbbüsün digər ölkələr tərəfindən dəstəklənməsini vacib sayır.