Fransa parlamentində ölkənin kəşfiyyat xidmətində dəyişiklik edilməsi təklif olunub.

Axar.az xəbər verir ki, Fransa Milli Assambleyasının üzvü, millət vəkili Corc Fineç beynəlxalq terrorçuluğun ölkə üçün yaratdığı təhlükəni nəzərə alaraq ölkənin müxtəlif kəşfiyyat xidmətlərinin vahid "milli antiterror agentliyi"ndə birləşdirilməsini təklif edib.

"Beynəlxalq terrorçuluqla üz-üzə gəldiyimiz bir vaxtda kəşfiyyat baxımından daha ambisiyalı olmalıyıq", - deputat qeyd edib.

Fineç ABŞ-ın da 11 Sentyabr hücumundan sonra təhlükəsizlik agentliklərini birləşdirərək ABŞ Daxili Təhlükəsizlik Departamenti yaratdığını əlavə edib.

Xatırladaq ki, ötən ilin noyabrda İŞİD terrorçuları Parisdə 130 nəfərin ölümü ilə nəticələnən silahlı hücum reallaşdırmışdı.