İran və Türkiyə bölgədəki konfliktlərin həllində, xüsusilə terrorçuluğa qarşı mübarizədə birgə səy göstərməlidir.

Axar.az xəbər verir ki, bu barədə İranın Türkiyədəki səfirliyi prezident Həsən Ruhani ilə həmkarı Rəcəb Tayyib Ərdoğan arasında baş tutan telefon əlaqəsini şərh edərkən məlumat verib.

"İran Prezidenti Həsəd Ruhani türkiyəli həmkarı Rəcəb Tayyib Ərdoğanla telefon əlaqəsində onun və türk xalqının Ramazan bayramını təbrik edib. Həmçinin danışıq zamanı terrorla mübarizədə ikitərəfli əməkdaşlığın önəmi də vurğulanıb. Ruhani terrorun bütün ölkələr üçün təhdid yaratdığını bildirərək, ciddi addımların atılmasının vacibliyini ifadə edib", - deyə açıqlamada qeyd edilib.

Xatırladaq ki, tərəflər arasında telefon danışığı bir müddət əvvəl baş tutmuşdu.