Kolumbiyanın şimalında “Mərkəzi Komandanlıq” silahlı qrupunun üzvləri tərəfindən vurulan helikopterin qəzaya uğraması nəticəsində 8 polis əməkdaşı həlak olub, 8-i isə yaralanıb.

Axar.az xəbər verir ki, Kolumbiya Prezidenti Qustavo Petro deyib.

"Amalfi bələdiyyəsində koka ağacının məhv edilməsi missiyası üçün uçan helikopterdə olan səkkiz polis əməkdaşının öldüyünü təəssüflə bildiririk. Səkkiz polis əməkdaşı da yaralanıb", - o bildirib.

Prezidentin sözlərinə görə, helikopterin qəzaya uğramasına görə məsuliyyəti “Mərkəzi Komandanlığ”ın 36-cı Cəbhəsi daşıyır. Regionun qubernatoru Andres Julianın sözlərinə görə, helikopter PUA ilə vurulub.