ABŞ bölünməyib. Ölkənin 1960-cı illərə geri qayıtması və əhali arasında qütbləşməsinin baş verməsi ilə bağlı yayılan fikirlər doğru deyil.

Axar.az xəbər verir ki, bu sözləri ABŞ Prezidenti Barak Obama Polşanın paytaxtı Varşavada baş tutan NATO sammitindən sonra jurnalistlərə açıqlamasında deyib.

"Dallas şəhərində 5 polis əməkdaşının öldürülməsi bizi dərindən sarsıtdı. ABŞ üçün olduqca gərgin həftə idi. Dallasa səfər edib, həyatını itirənlərin ailələrinə başsağlığı verəcəm. Hadisəni törədən şəxsin hərəkətləri bağışlanılmazdır. Onun kimi insanlar heç bir toplumu təmsil etmir", - Obama bildirib.

Qeyd edək ki, ABŞ-ın Dallas şəhərində Haviyer Conson adlı qaradərili tərəfindən 5 polis əməkdaşı öldürülmüşdü.