Qərb ölkələrinin nümayəndələri Rusiyaya qarşı ikinci cəbhə açacaqları təqdirdə Gürcüstan hakimiyyətini silahla təmin etməyi təklif ediblər.

Axar.az xəbər verir ki, bu barədə Gürcüstanın hakim “Gürcü arzusu - Demokratik Gürcüstan” partiyasının baş katibi, Tiflis meri Kaxa Kaladze deyib.

“Gürcüstanın baş nazirinin kabinetində birbaşa təhdidlər, şantaj və təhqirlər olub ki, ölkədə Rusiyaya qarşı ikinci cəbhə açılsın. Onlar kömək edəcəklərini, müvafiq hərbi texnika verəcəklərini və digər şeylər vəd ediblər", - Kaladze bildirib.

Onun sözlərinə görə, sübutların təqdim edilməsi zəruri olarsa, hakimiyyət danışıqların təfərrüatını açıqlamağa hazırdır:

“Lakin ölkənin maraqlarından çıxış edərək, hər şeyi olduğu kimi saxlamaq daha yaxşıdır”.