Türkiyənin Şanlıurfa vilayətinin şəhərlərarası avtobus terminalında silahlı qarşıdurma baş verib.

Axar.az xəbər verir ki, terminalda sərnişinlərdən biri polisin yoxlanış tələbinə məhəl qoymayaraq atəş açıb.

2 polisin yaralandığı hadisədə şübhəli qaça bilib. Bölgəyə göndərilən təhlükəsizlik qüvvələri şübhəlinin gizləndiyi binanı taparaq əməliyyata başlayıb. Burada da 3 polis əməkdaşını yaralayan cinayətkar daha sonra başına atəş açıb. Ağır yaralanan silahlı dövlət xəstəxanasına çatdırılıb.

Araşdırma zamanı silahlının çavuş rütbəli hərbçi olduğu üzə çıxıb.

Şanlıurfa valisi hücumda yaralanan 5 polisdən 3-nün vəfat etdiyini açıqlayıb.