Əgər Rusiya yaxın vaxtlarda Ukraynada müharibənin dayandırılmasına razılaşmasa, döyüşlərin bitməsini gözləmədən Qərb Kiyevə təhlükəsizlik zəmanətləri verməlidir.

Axar.az xəbər verir ki, bu sözləri “Vaşinqton Post”a beynəlxalq siyasi şərhçi Devid İqnatius bildirib.

İqnatius vəziyyəti strateji “çıxılmaz” kimi qiymətləndirir:

“Ukrayna və Avropa tərəfdaşları gələcək üçün təhlükəsizlik zəmanətləri ilə sülh razılaşması istəyir, Rusiya isə əvvəlcə öz tələblərinin yerinə yetirilməsində israr edir”.

“ABŞ-ın vasitəçilik səyləri uğursuz olub, amma danışıqlardan çəkilərsə, ciddi faciəvi vəziyyət yarana bilər. Münaqişədən çıxış yolu isə Ukrayna və Rusiyanın hərbi imkanlarının tarazlaşdırılmasındadır”,- İqnatius qeyd edib.

Onun fikrincə, “dalan”dan potensial çıxış yolu Ukrayna və Rusiyanın uzaq məsafəli imkanlarının bərabərləşdirilməsi ola bilər.

Bu kontekstdə o, Trampın son bəyanatını xatırladıb:

"İşğalçı ölkəyə hücum etmədən müharibədə qalib gəlmək çox çətindir, hətta qeyri-mümkündür. Bu, fantastik müdafiəyə malik olan, lakin hücumda oynamağa icazə verilməyən böyük idman komandası kimidir. Qalib gəlmək şansı yoxdur!"