BMT Baş katibi Antonio Quterreş İranın nüvə proqramı ilə bağlı yaranmış gərginlik fonunda tərəfləri danışıqları davam etdirməyə çağırıb.

Axar.az xəbər verir ki, bu barədə BMT Baş katibinin sözçüsü Stefan Düjarrik məlumat verib.

Məlumata görə, bu çağırış Fransa, Almaniya və Britaniyanın BMT Təhlükəsizlik Şurasına İranla bağlı sanksiyaların bərpasına dair göndərdiyi məktubdan sonra səslənib.

“Baş katib Hərtərəfli Birgə Fəaliyyət Planının iştirakçılarını və Təhlükəsizlik Şurasını İran xalqı üçün iqtisadi faydalar gətirən diplomatik həll yolunu tapmaq üçün danışıqları davam etdirməyə çağırır”, – Düjarrik bildirib.