Vaşinqton Ukraynanın ərazi bütövlüyünü qorumaq istəyir.

Axar.az xəbər verir ki, bu sözləri ABŞ-ın vitse-prezidenti Ceyms Di Vens deyib.

Vens bildirib ki, ABŞ mümkün sülh sazişi çərçivəsində Ukraynanın ərazi bütövlüyünü qorumağa çalışır:

“Mən və ABŞ Prezidenti Donald Trampın Ukrayna Prezidenti Vladimir Zelenski ilə bir neçə dəfə yaxşı söhbəti olub. Sülh sazişi məsələsində Zelenski ilə fikir ayrılıqları yaşayırıq.

Biz əlbəttə ki, Ukraynanın ərazi bütövlüyünü qorumaq istəyirik. Rusiyanın bütün ölkəni ələ keçirməsinin tərəfdarı deyilik. Eyni zamanda, ölüm hallarının azalmasını istəyirik.

Ancaq Ukraynadakı müharibə elə bir nöqtəyə çatıb ki, ruslar döyüşməyə davam etsələr də, artıq heç nəyə nail ola bilmirlər, eləcə də ukraynalılar”.