İran Prezidenti Məsud Pezeşkianın Ermənistan səfəri çərçivəsində iki ölkə arasında siyasət, iqtisadiyyat, mədəniyyət və elm sahələrində 10 razılaşma əldə olunub.

Axar.az xəbər verir ki, bu sözləri türkiyəli siyasi ekspert Əmrə Öztürk deyib.

Öztürk bildirib ki, Tehran üçün bu səfər Cənubi Qafqazda artan Qərb təsirinə qarşı bir cavab addımı kimi qiymətləndirilir:

“Vaşinqtonun vasitəçiliyi ilə Ermənistan və Azərbaycan arasında imzalanan sülh sazişindən sonra Zəngəzur bölgəsinə ABŞ-ın çıxış əldə etməsi İranda ciddi təhlükəsizlik narahatlıqlarına səbəb olub. İran bu addımla həm öz sərhəd təhlükəsizliyini qorumaq, həm də Qərbin bölgədə daimi mövcudluq yaratmasının qarşısını almaq niyyətindədir. Ermənistan isə Moskva ilə münasibətlərdəki gərginliyi yüngülləşdirmək və xarici siyasətdə müxtəlif istiqamətləri inkişaf etdirmək üçün Tehrana yaxınlaşmanı zəruri hesab edir”.