SSRİ-nin ikinci süqutu başlayır.

Axar.az xəbər verir ki, bunu Belarus mətbuatına müsahibəsində rusiyalı politoloq Qriqori Trofimçuk söyləyib. Onun sözlərinə görə, bu proses Avrasiya məkanında daha ciddi təsirlərə şərait yaradacaq:

"Bəzi ölkələr sadəcə xəritədən itəcəklər. Bununla da Birinci Avrasiya Müharibəsi başlayacaq. Burada Rusiyaya nəsə olsa, onun bütün qonşuları avtomatik olaraq dağılacaqlar. Bəzilərində bu proses daha gec gedəcək. ABŞ məhz bu süjeti özünə hədəf götürüb. Görünür, bununla həm də avtomatik olaraq Çin problemini həll etmək istəyirlər. Əgər Rusiya öz ətrafındakı hərbi-siyasi müttəfiqlərini qorumaq istəyirsə, o zaman bu ərazilərə maliyyə yatırmalıdır. Bu yatırımlar ciddi həcmdə olmalıdır. Əks təqdirdə Moskvanın müttəfiqləri Qərbə tərəf axın edəcəklər. Bu, hətta pul ucbatından da baş verməyəcək. Sadəcə, onlar Vaşinqtonun qalib gələcəyindən və buna görə cavab verəcəklərindən qorxurlar. Çin problemlər onun sərhədlərinə yaxınlaşana qədər kənarda qalacaq. Həmin an isə onun nəsə etməyi artıq gec olacaq. Çin SSRİ-dən fərqli olaraq hesab edir ki, dünyanı yalnız iqtisadiyyatla idarə etmək olar. Rusiya artıq Amerika ilə heç bir razılaşmaya gələ bilməyəcək. Ona görə ki, Moskva çox səhvlərə yol verərək ABŞ-ın davamlı fəaliyyətinə şərait yaradıb".