Avropa Birliyinin Cənubi Qafqaz üzrə xüsusi nümayəndəsi Maqdalena Qrono Ermənistana səfərinin yekunları ilə bağlı X səhifəsində paylaşım edib.

Axar.az xəbər verir ki, diplomat İrəvanda baş nazirin müavini Mger Qriqoryan, Təhlükəsizlik Şurasının katibi Armen Qriqoryan və əsas qurumların digər yüksək vəzifəli şəxsləri ilə görüşdüyünü diqqətə çatdırıb.

Qrono görüşlərdə Azərbaycan-Ermənistan arasında sülh prosesi, qarşılıqlı fəaliyyət, transsərhəd əməkdaşlıq, eləcə də Vaşinqtonda əldə edilmiş tarixi razılaşmalara uyğun sülh səylərinin müzakirə edildiyini bildirib:

"Avropa Birliyi yaxın tərəfdaş kimi Ermənistan və Azərbaycanı dəstəkləməkdə davam edəcək və tam hüquqlu sülhə nail olmaq üçün konkret addımların və tədbirlərin həyata keçirilməsini təmin edəcək".