AB Rusiyaya qarşı hazırlanmaqda olan 19-cu məhdudiyyətlər paketi çərçivəsində bank və enerji sektorlarına qarşı sanksiyaların tətbiqi imkanını nəzərdən keçirir.

Axar.az xəbər verir ki, bu barədə “Blumberq” məlumat yayıb.

Məlumata görə, AB Rusiyanın bir sıra bank və enerji şirkətinə qarşı yeni sanksiyaların tətbiqini müzakirə edir:

“19-cu paketdə Rusiyanın ödəniş sisteminə və bank kartlarına, kriptovalyuta birjalarına qarşı tədbir, həmçinin neft ticarətinə əlavə məhdudiyyətlər də nəzərdə tutulub. AB Rusiya ilə əlaqəsi olan gəmiləri də əhatə edəcək şəkildə qara siyahıları genişləndirməyi, üçüncü ölkənin neft treyderlərinə məhdudiyyətlər tətbiq etməyi, sanksiyaya məruz qalan tankerlərin təkrar sığortasını qadağan etməyi və Rusiya neft şirkətlərinə məhdudiyyətləri sərtləşdirməyi planlaşdırır. O cümlədən, siyahıya “Rosneft” və “Lukoyl” daxildir”.