NATO qüvvələri ilk dəfə olaraq Rusiya ilə Polşanın hava məkanını pozan PUA-sını vurmaq üçün döyüşə girdi. Bu, Rusiya Prezidenti Vladimir Putinin NATO-nun qətiyyətini, dayanıqlığını və Ukraynada Qərblə müharibəni genişləndirmək hazırlığını sınamaq üçün hazır olduğu riskləri göstərdi.

Axar.az xəbər verir ki, bu barədə “Telegraf” nəşri məlumat yayıb.

Məlumata görə, Polşa hərbçiləri ötən gecə Rusiya PUA-larının Ukraynaya kütləvi hücumu barədə məlumat alıb:

“Bu cür xəbərlər qeyri-adi deyil, lakin buna baxmayaraq, Varşava sayıqlıq səviyyəsini artırıb. Niderland və İtaliya da daxil olmaqla NATO müttəfiqləri tərəfindən dəstəklənən radar sistemləri işə salınıb və kəşfiyyat təyyarələri səmaya qalxıb. Əraziyə Niderlandın iki ədəd F-35 qırıcısı və Polşanın iki ədəd F-16 qırıcısı, həmçinin bir neçə helikopter göndərilib. Sentyabrın 9-da saat 23:30 radələrində Rusiya PUA-ları Polşanın hava məkanının pozub. Sonuncu “Şahid” sentyabrın 10-da səhər saat 6:30-da Polşa sərhədini keçib və 15 dəqiqə sonra NATO təyyarələri tərəfindən məhv edilib. Polşaya PUA buraxmaqla Putin təkcə Avropanın qətiyyətini yox, həm də belə bir vəziyyətə reaksiyasını sınaya bildi. Bu, 5-ci maddəni işə salmaq üçün kifayət edəcəkmi? Putinin tapdığı cavab “yox” oldu və bu, ona genişmiqyaslı müharibəyə səbəb olmadan ittifaqı nə qədər sınaya biləcəyi barədə məlumat verdi. Bu bilik Putin üçün faydalı olacaq, çünki o, Ukraynada dondurulmuş müharibə və Avropa sülhməramlılarının orada yerləşdirilməsi ehtimalı ilə üzləşir”.