Savaşdayıq, kompromisə getməməliyik.

Axar.az xəbər verir ki, bu sözləri Fransa Daxili İşlər naziri Bernard Kazenev deyib.

"İstintaq barədə bir məlumat vermək istəmirəm, ancaq dövlətin bütün imkanları səfərbər edilib. Təcavüzkarla əməkdaşlıq edənlər var, araşdırılır. Teror təhdidinin yüksək olduğunu onsuz da bilirdik", - Kazenev bildirib.

Xatırladaq ki, yük maşını şəhər bulvarında "Bastiliya qalasının alınması" bayramı münasibəti ilə atəşfəşanlığı seyr etməyə toplaşan insanların üzərinə hərəkət edib. Daha sonra terrorçu odlu silahla vətəndaşlara atəş açıb.

Nəticədə 85 nəfər ölüb, 120-ə yaxın şəxs xəsarət alıb.

Hücumun məsuliyyətini İŞİD terror təşkilatı öz üzərinə götürüb.