İsrail Müdafiə Nazirliyi pilotsuz təyyarələri vurmağa qadir olan yeni yüksək güclü lazer silahının hazırlanmasını başa çatdırıb.

Axar.az xəbər verir ki, bu barədə “Blumberq” məlumat yayıb.

Məlumata görə, “Dəmir şüa” döyüş lazeri 100 kilovat gücə malikdir:

“Sınaq zamanı lazer silahı dronları necə effektiv şəkildə ələ keçirdiyini nümayiş etdirib. Amma yeni sistemin dəqiq performans göstəriciləri açıqlanmır. Yeni lazer ənənəvi raket sistemlərinə ucuz alternativdir: bir dronun ələ keçirilməsi 5 dollardan azdır. Amma bir standart raketin buraxılması on minlərlə dollara başa gəlirdi. Bununla belə, yeni sistemin bir sıra məhdudiyyətləri var, xüsusən də o, buludlu hava şəraitində təsirsizdir. Önümüzdəki aylarda “Dəmir şüa” Dəmir Qübbəni tamamlayan çoxqatlı raketdən müdafiə sisteminin bir hissəsi olacaq. Onun 2025-ci ilin sonuna qədər hava hücumundan müdafiə sisteminə tam inteqrasiyası planlaşdırılır”.