NATO üzvü olan ölkələr öz hava məkanlarına daxil ola biləcək pilotsuz təyyarələrə qarşı mübarizə aparmaq üçün bahalı döyüş təyyarələri və raketlərdən istifadə edə bilmirlər.

Axar.az xəbər verir ki, bu barədə “Faynənşl Tayms” (FT) Qərb diplomatlarına istinadən xəbər verir.

Nəşr qeyd edib ki, bir neçə dron dəsti təxminən 20 min dollara, hava hücumundan müdafiə sistemləri üçün raketlər 500 min dollara, bir döyüş təyyarəsinin qiyməti isə 100 milyon dollara başa gəlir.

Qeyd edək ki, bir neçə gün əvvəl Rusiyaya məxsus PUA-lar Polşa və Rumıniya hava məkanına daxil olub. Ötən gün isə Rusiya qırıcıları Estoniya və Polşa hava sərhədini pozub.

Bu insidentlər alyans ölkələrində hava məkanının qorunması məsələsini yenidən gündəmə gətirib.