Pensilvaniyadakı o şəxsi (Fətullah Gülən) Türkiyəyə ekstradisiya edin.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Kısıklıdakı evinin önündə xalq qarşısında çıxışı zamanı ABŞ Prezidenti Barak Obamaya çağırışında deyib.

"Mən buradan ABŞ-a səslənirəm. Hörmətli prezidentə çağırış edirəm. Pensilvaniyada 400 hektar ərazidə məskunlaşan o şəxsi ya deportasiya edin, ya da bizə təhvil verin. Mən bunların çevrilişə hazırlaşdıqlarını sizə demişdim. Lakin sözlərimə əhəmiyyət vermədiniz", - Ərdoğan bildirib.

Xatırladaq ki, dünən gecə Türkiyədə bir qrup hərbçi dövlət çevrilişinə cəhd edib, 161 nəfər həyatını itirib, 1450 yaralanan var. 3 minə yaxın hərbçi və bir o qədər də başqa peşə sahibləri həbs olunub.