Moskva Yaponiyanın Kuril adaları yaxınlığındakı təxribatına dərhal cavab verib.

Axar.az xəbər verir ki, bu barədə Çinin “Sohu” agentliyində yayımlanan məqalədə deyilir.

Çinli analitiklər qeyd ediblər ki, Yaponiya ABŞ-la birlikdə Kuril adaları yaxınlığında orta mənzilli “Tayfun” raket sistemlərini yerləşdirib, Moskva isə dərhal Kuril adalarına “Bastion” raket sistemi göndərib, Arktikadan qırıcı təyyarələr köçürüb və Sakit Okean Donanmasını döyüş hazırlığı vəziyyətinə gətirib. Bundan əlavə, donanmanın sualtı qayıqları Oxot dənizində qanadlı raketlərin buraxılışını həyata keçirib.

Çinli analitiklər bu addımları Rusiyanın “göz-gözə” prinsipinə əməl edəcəyinin nümayişi kimi qiymətləndiriblər. Onlar hesab edirlər ki, Prezident Vladimir Putin gələcək hərbiləşmənin potensial nəticələrini açıq şəkildə ifadə edib.