Onlar mənə silah çəkdilər və müqavimət göstərməyə çalışanda isə dava baş verdi. Boynumdakı qızartı izləri də o zaman oldu.

Axar.az xəbər verir ki, bu sözləri Türkiyə Baş Qərargah rəisi Hülusi Akar qiyamçılar tərəfindən necə girov götürüldüyünü TBMM-də danışarkən deyib.

O özünə yaxın zabit tərəfindən girov götürüldüyünü açıqlayıb:

"Hərbi çevrilişə cəhd edənlər mənə bəyanatı imzalatmaq istədilər. "Bunu imzalamasanız, həyatınız təhlükədə olacaq" dedilər. Daha sonra məni Ankaradakı hərbi bazaya apardılar. Uzun müddət mənə yemək və su verilmədi".

Qeyd edək ki, çevriliş cəhdi zamanı ilk girov götürülənlərdən biri də Hülusi Akar idi. O, 1 gün sonra keçirilən əməliyyat zamanı azad edilmişdi.