Liberal, multikultural, proqressiv və uğurlu bir şəhəri idarə edən müsəlman mer kimi görünürəm ki, Donald Trampın fikrindən çıxmıram. Tramp göstərdi ki, o irqçidir, seksistdir, qadın düşmənidir və islamofobdur.

Axar.az xəbər verir ki, bunu London meri Sadiq Xan “Skay” telekanalına açıqlamasında bildirib.

Qeyd edək ki, BMT Baş Assambleyasında çıxışı zamanı ABŞ Prezidenti Donald Tramp Xanı “dəhşətli mer” kimi tənqid edib və əlavə edib ki, miqrasiya siyasəti və intihar xarakterli enerji ideyaları Qərbi Avropanın məhvinə səbəb olacaq.

Trampla Xan arasındakı gərgin münasibətlər 2016-cı ildən davam edir. Həmin vaxt Tramp Xanın onun müsəlmanlara dair baxışlarını “cahil” adlandırmasına cavab olaraq, ona İQ testi keçməyi təklif etmişdi. 2019-cu ildə isə Tramp Londona səfərindən öncə sosial şəbəkələrdə Xanı “çox axmaq” və “donuq bədbəxt” adlandırmışdı.

Sadiq Xan 2016-cı ildən London meridir və bu vəzifəyə üç dəfə yenidən seçilən ilk siyasətçi olub.