Hakerlər Böyük Britaniyada fəaliyyət göstərən “Kido” uşaq bağçaları şəbəkəsinə kiberhücum edərək təxminən 8 min uşağın şəkillərini, adlarını və ünvanlarını ələ keçirdiklərini bildiriblər.

Axar.az xəbər verir ki, bu barədə “Röyters” agentliyi məlumat verib.

Məlumata görə, cinayətkar qrup bu məlumatlardan şirkəti şantaj etmək üçün istifadə edir. “Kido” şirkətinin Londonda və ətraf ərazilərdə 18, ABŞ və Hindistanda isə əlavə filialları fəaliyyət göstərir.

Hakerlər həmçinin uşaqların valideynləri, baxıcıları və onların təhlükəsizliyi ilə bağlı qeydlər barədə də məlumatlara sahib olduqlarını iddia edirlər. Onların bəzilərinin valideynlərlə birbaşa telefonla əlaqə saxladığı da bildirilib.