Rusiya Prezidenti Vladimir Putin başa düşür ki, istədiyi hər şeyə nail ola bilməz.

Axar.az xəbər verir ki, bunu NATO-nun Baş katibi Mark Rutte deyib.

O qeyd edib ki, istənilən münaqişə başa çatır, lakin bu, heç də həmişə danışıqlar yolu ilə baş vermir:

"Biz İkinci Dünya müharibəsində tamamilə qalib gəldik. Soyuq müharibədə Reyqan və Tetçerlə qalib gəldik. Ukrayna (Ukraynadakı müharibə) çox güman ki, danışıqlarla başa çatacaq, lakin Zelenski hər hansı sülh sazişindən və ya atəşkəsdən sonra ölkəsinin qorunacağına əmin olmalıdır".

Rutte həmçinin əlavə edib ki, Rusiya iqtisadiyyatı neftdən asılı olaraq qalır:

"Buna görə də işğalçılar indi problemlərlə üzləşirlər, çünki Ukrayna əsas neft emalı zavodlarına zərbələr endirməkdə davam edir".