Venesuela Prezidenti Nikolas Maduro ABŞ-ın mümkün hərbi hücumu halında ölkədə fövqəladə vəziyyət elan etməyə hazırdır. Belə bir hücum baş verərsə, nəticələri faciəvi olacaq.

Axar.az xəbər verir ki, bu sözləri Venesuelanın vitse-prezidenti Delsi Rodriqes deyib.

ABŞ administrasiyası son həftələrdə Karib dənizində geniş hərbi dəniz qüvvələri yerləşdirib və Venesuela qayıqlarına hava zərbələri endirib. Bu hücumlar nəticəsində azı 17 nəfər həlak olub.

Vaşinqton bu zərbələrin Latın Amerikasında fəaliyyət göstərən narkotik kartellərinə qarşı həyata keçirildiyini desə də, bir çoxları bunun Maduro rejimini devirməyə yönəlmiş daha genişmiqyaslı müdaxilənin başlanğıcı ola biləcəyini düşünür.

Rodriqes verdiyi açıqlamada ABŞ-ın narkotiklərlə mübarizə bəhanəsini “böyük yalan” adlandırıb. Onun sözlərinə görə, Tramp administrasiyasının məqsədi dünyada sübut olunmuş ən böyük neft ehtiyatlarına sahib olan ölkənin təbii sərvətlərini ələ keçirməkdir.