00:03

Filippinin Bantayan adasında 6,9 bal gücündə zəlzələ baş verib.

Axar.az xəbər verir ki, bu barədə “360” Teleqram kanalı məlumat yayıb.

Məlumata görə, güclü zəlzələ nəticəsində qədim katolik kilsəsinin binası bir neçə saniyə ərzində çöküb.

Ölü və yaralılar barədə məlumat verilməyib.

***

Filippində 6,9 bal gücündə baş verən zəlzələ nəticəsində ölənlərin sayı 30-a çatıb, 37 nəfər yaralanıb.

Bu barədə "ABS-CBN Nyus" məlumat yayıb.

Təcili yardım mərkəzi bildirib ki, meyitlər Sebu əyalətindəki Boqo şəhər xəstəxanasına gəlməkdə davam edir.

Hakimiyyət orqanlarının məlumatına görə, San-Remixio əyalətində idman-istirahət kompleksi çöküb, insanlar dağıntılar altında qalıb. Hazırda axtarış-xilasetmə əməliyyatı aparılır.

***

Filippinin mərkəzi hissəsində baş verən 6,9 maqnitudalı zəlzələ nəticəsində ölənlərin sayı 69 nəfərə çatıb.

Bu barədə "Röyters" məlumat yayıb.

Seysmoloji xidmətlərin hesablamalarına görə, zəlzələnin episentri təxminən 10 km dərinlikdə yerləşib və bir neçə afterşok qeydə alınıb. Zəlzələdən sonra sunami təhlükəsi olmayıb.