İran Xarici İşlər naziri Cavad Zərif Səudiyyə Ərəbistanı və Qətərin də aralarında olduğu bir neçə ölkənin Türkiyədə baş verən hərbi çevrilişə cəhdi dəstəklədiyini açıqlayıb.

Axar.az "Fars" agentliyinə istinadən xəbər verir ki, ölkənin baş diplomatı rəsmi Ankaranın bu mövzuda araşdırma aparmasının vacib olduğunu deyib:

"Səudiyyə Ərəbistanı və Qətərin də aralarında olduğu bir neçə ölkə Türkiyədə hərbi çevrilişə cəhd baş verərkən narahat olmadı. Bunu araşdırmaq lazımdır. Səudiyyəlilərin Türkiyədəki hadisələrə reaksiyasını analiz etdikdə Ər-Riyadın çevrilişə cəhddə iştirakı mümkün görünür".

Bu arada Prezident Rəcəb Tayyib Ərdoğan ilə iranlı həmkarı Həsən Ruhani arasında telefon danışığı olub. Telefon danışığında Ruhani seçilmiş qanuni hökumətin yanında olduqlarını bildirib.