Rusiyanın payız hücumu başlayıb, Donbas uğrunda döyüşlər qızğın hal alıb.

Axar.az xəbər verir ki, bu barədə ukraynalı zabit Andrey İllienko məlumat verib.

"Düşmənin məqsədləri dəyişməz olaraq qalır. Müdafiə qüvvələri Donetsk vilayətində yerləşən Seversk, Slavyansk, Kramatorsk, Drujkovka və Konstantinovkadan başlayaraq Dobropillia, Pokrovska qədər bütün güclü istehkamlar zolağına nəzarət edir. Bunlar hamısı bizim qalalarımızdır. Bu qalalar son üç il yarım ərzində əldə saxlanılır”, - İllienko söyləyib.

O qeyd edib ki, ruslar üçün atəşkəs tələblərini nəzərə alsaq, Donetsk bölgəsinə hücum həm strateji, həm hərbi, həm də siyasi məqsəd daşıyır.