HƏMAS-Sumud təxribat yaxtalarından heç biri aktiv döyüş zonasına daxil olmaq və ya qanuni dəniz blokadasını pozmaq cəhdində uğur qazana bilməyib.

Axar.az xəbər verir ki, bu sözləri İsrail Xarici İşlər Nazirliyi öz X səhifəsində yazıb.

“Bütün sərnişinlər təhlükəsizlikdədir və sağlamlıqları yaxşıdır. Onlar təhlükəsiz şəkildə İsrailə doğru yol alırlar, oradan da Avropaya deportasiya olunacaqlar.

Bu təxribatın son gəmisi uzaqdadır. Əgər yaxınlaşarsa, onun da aktiv döyüş bölgəsinə daxil olmaq və blokadanı yarmaq cəhdinin qarşısı alınacaq”, - açıqlamada bildirilib.

Qeyd edək ki, 37 ölkədən 200-dən çox üzvü olan 21 gəmidən ibarət Sumud donanması avqustun sonunda Barselona limanından yola çıxıb. İsrail Hərbi Dəniz Qüvvələri donanmanı ötən gün Qəzza zolağından 130-150 kilometr aralıda saxlayıb və fəalları girov götürüb.