AB-nin Rusiya-Ukrayna müharibəsinin həllinə yanaşmasını dəstəkləmirəm.

Axar.az xəbər verir ki, bunu Slovakiyanın Baş naziri Robert Fitso deyib.

Onun fikrincə, müharibə başlayandan üç ay ərzində bitə bilərdi:

"Hazırkı Slovakiya hökumətinin xarici siyasət məqsədi Rusiyanın məğlubiyyəti deyil. Məqsədimiz müharibəni mümkün qədər tez bitirməkdir ki, slavyanlar bir-birini öldürməyi dayandırsınlar. Müharibə başlayandan üç ay sonra bitə bilərdi".

Onun sözlərinə görə, bəzi Avropa liderləri Rusiya-Ukrayna müharibəsindən yalnız Moskva ilə vuruşmaq üçün istifadə etmək istəyir.

Fitso əlavə edib ki, AB Ukraynadakı müharibəni dəstəkləmək üçün sərf etdiyi enerjini sülhə sərf etməlidir.

Baş nazir iddia edib ki, AB Slovakiyanı müharibəyə sürükləməyə çalışır.