Ukrayna Silahlı Qüvvələrinin Pilotsuz Sistemlər Qüvvələrinin operatorları ruslara məxsus nadir “Jitel” adlı radio-elektron mübarizə (REM) stansiyasını məhv ediblər.

Axar.az xəbər verir ki, bu barədə Ukraynanın Teleqram kanallarında məlumat verilib.

Bildirilib ki, Rusiyaya məxsus R-330J “Jitel” radio-maneə stansiyası son dərəcə nadir və bahalı bir hədəfdir:

“‘Jitel’ mürəkkəb və çoxfunksiyalı sistemdir. Texniki xüsusiyyətlərinə görə, yerüstü radiorabitəni 25 kilometrədək, uçan aparatlarla rabitəni isə 50 kilometrədək məsafədə tuta bilir. Stansiya radio siqnal mənbələrini müəyyən edir, onların koordinatlarını təyin edir, peyk rabitəsi, GPS naviqasiya və GSM baza stansiyaları üçün radio maneələr yaradır”.

Qeyd olunub ki, müharibə başlayandan bu tip 23 sistem məhv edilib.