Rusiya Prezidenti Vladimir Putin və ABŞ Prezidenti Donald Trampın Alyaska görüşündən sonra yaranan Ukrayna üzrə nizamlanma impulsu artıq tükənib.

Axar.az xəbər verir ki, bunu Rusiya xarici işlər nazirinin müavini Sergey Ryabkov deyib.

“Rusiya ABŞ-ı Ukraynaya “Tomahavk” raketlərinin tədarükü məsələsinə ayıq və ağıllı yanaşmağa çağırır. Bu raketlərin və buraxılış qurğularının onlar üçün istifadəsi yalnız amerikalı personalın birbaşa iştirakı ilə mümkündür. Bu raketlərin Ukraynada peyda olması vəziyyətin əhəmiyyətli dərəcədə dəyişməsi demək olsa da, Rusiyanın məqsədlərinə çatmasına təsir etməyəcək”, - o bildirib.