Özbəkistanda süni intellektin tətbiqi nəticəsində 1 noyabra qədər 2141 dövlət vəzifəsi ixtisar olunacaq.

Axar.az xəbər verir ki, bu barədə Özbəkistan Prezidenti Şövkət Mirziyayevin imzaladığı və ölkənin milli qanunvericilik bazasında dərc edilmiş fərmanda qeyd olunub.

Fərman “Dövlət icra hakimiyyəti orqanlarında rəqəmsallaşdırmanın geniş tətbiqi hesabına idarəetmə vəzifələrinin sayının optimallaşdırılması tədbirləri haqqında” adlanır.

Ən böyük ixtisarlar Vergilər Komitəsinə (498 yer), Su Təsərrüfatı Nazirliyinə (224), Kənd Təsərrüfatı Nazirliyinə (200), Məşğulluq və Yoxsulluğun Azaldılması Nazirliyinə (163 vəzifə) şamil ediləcək.