13:41

İsrail Baş naziri Benyamin Netanyahu bu gün Misirin Şarm əş-Şeyx şəhərində keçirilən sülh sammitində iştirak etməyəcək.

Axar.az xəbər verir ki, bu barədə onun ofisi açıqlama yayıb.

Netanyahunun səfərdən imtina etməsinin səbəbi bu axşam başlayan Şemini Atseret–Simxat Tora yəhudi bayramıdır. İsrailli liderlər adətən şənbə və dini bayram günlərində ölkədən kənara səfər etmirlər, yalnız fövqəladə hallar istisna olunur.

Qeyd edək ki, daha əvvəl Netanyahunun Trampın iştirakı ilə Misir Prezidenti Sisi ilə danışdığı və onun təklifini qəbul edərək, Yaxın Şərq Sülh Sammitində iştirak etmək üçün Şarm əş-Şeyxə gedəcəyi bildirilmişdi.