İran təhlükəsizlik məmurları bəhai təriqətinə mənsub 9 nəfərin evinə hücum edib.

Axar.az xəbər verir ki, bununla bağlı İran İnsan Haqları Təşkilatı məlumat yayıb.

Məlumata görə, onların evində axtarış aparılıb və onlara məxsus şəxsi əşyalar müsadirə edilib. Evlərində axtarış aparılan bəhailərdən 7-si saxlanılaraq naməlum istiqamətə aparılıb.

Onların həbs səbəbləri barədə açıqlama verilməyib.

Qeyd edək ki, hazırda İranda 300 mindən çox bəhai yaşasa da, İran Konstitusiyası bəhai təriqətini rəsmən tanımır.

İran Mədəni İnqilab Ali Şurasının qərarına əsasən, bəhai təriqətinə mənsub olanlar ölkədə vətəndaşlıq hüququ olmayan insanlar sayılırlar.