2025.11.01 - 23:24

Bu gün axşam saatlarında Rusiya Ukraynanın Dnepropetrovsk vilayətinə hava hücumu həyata keçirib.

Axar.az xəbər verir ki, bu barədə Ukraynanın Xüsusi Əməliyyat Qüvvələrinin rəhbəri Vladislav Qayvanenko məlumat yayıb.

"Rusiya Silahlı Qüvvələri Samarovski rayonuna hücum edib. Yanğın baş verib, mağaza dağılıb. Hücum nəticəsində ölənlər və yaralılar var”, - o qeyd edib.

***

Rusiya qüvvələrinin Dnepropetrovska endirdiyi zərbələr nəticəsində bir nəfər ölüb, 8 nəfər yaralanıb.

Bu barədə Vladislav Qayvanenko məlumat verib.

Bildirilib ki, ruslar həmçinin Nikopol rayonundakı Marqanets şəhərinə də hücum edib. Nəticədə bir nəfər ölüb, biri isə yaralanıb.

Bundan əlavə, Rusiyanın Sum vilayətində mülki avtomobilə də zərbə endirib. Nəticədə 29 yaşlı kişi yaralanıb.